Iha dia 26-27 Maio de 2026 partisipante Ospitalidade no Administrasaun hala’o touring (observasaun) ba Hotel, Restaurante no Edifisiu iha Dili ne’ebe akompaña husi Madre Diretora no Staff CVTC rasik. Objetivu husi touring ne’e mak hanesan:
- Partisipante sira bele observa no rona direta klarifikasaun iha fatin edifísiu ka industria sira inklui fasilidade no instrumentu servisu nian.
- Atu depois remata atividade touring ida ne’e, partisipante sira bele hetan motivasaun di’ak no korázen hodi partisipa formasaun iha nível sertifikadu-II ho seriédade másima.
- Atu partisipante sira bele iha kuñesementu kle’an no motivada kona-ba deskrisaun servisu iha fatin touring no bele apár ka liga diretamente ba programa espesialidade ne’ebé eskolidu hosi kada partisipante.
Durante loron rua estudante sira hare no observa direita servisu no material/ ekipamentus ne’e uza iha fatin servisu no hetan akompañamentu husi Staff sira fatin servisu ho diak tebes.
