Formandos Kursu Administrasasun ema nain 15 (feto 12 & mane 3), Kursu Ospitalidade ema nain 22 (feto 17 & mane 5) halo graduasaun no simu sertifikadu iha salaun Igreja Ave Maria Suai, serimonia graduasaun ba graduandus sira, hetan partisipansaun husi reprezentante SEFOPE Xefe Gabinete Sr. Jacinto Ribeiro Dias, reprezenta Diretor DNFP, Reprezenta INDMO.I.P liu husi Diretora Nasional Servisu Koorporativus Sra. Lidvina T. P. Tilman, Reprezentante Misreror Mana Inge Lempp, Diretor SEFOPE regional, Autoridade Lokal destakadu iha Munisipiu Covalima, sentru parseiro sira, inan & aman formandu sira no entidade relevante, Reprezentate edifisiu no industria sira. Iha sorin seluk reprezenta SEFOPE Xefe Gabinete Sr Jacinto hateten ba graduadu sira katak “Forma ema atu halo Asaun laos forma ema la iha asaun; importante tenke halo asaun liu husi skill ne’ebe ita boot sira aprende iha sentru formasaun durante tinan ida, hanesan jovem labele hanoin deit bainhira mak atu ba Australia ho Corea, maibe ho sertifikadu ne’ebe ohin imi simu buka rasik serbisu iha ita nia nasaun rai doben Timor, serbisu barak ba ita boot sira, importante tenke halo asaun hodi aplika skill no esperiensia ne’ebe relasiona ho imi nia kapasidade iha kursu ne’ebe aprende ona. Iha biban ida ne’e mos CVTC hahu halo lansamentu WEBSITE no OPENING BAR hodi publika ba ema hotu bele asesu informasaun ka programa CVTC ninian no mos ema hotu bele mai koko Café & Bebidas ho sabor fresku wainhira ita boot sira hakarak hemu bele hakat liu mai iha CVTC-Suai. (Quinta-feira, 14/12/2023).