Missa Agradesementu ba Graduasaun Formandos hosi Area Administrasaun no Ospitalidade ba Tinan 2023, iha missa ne’e preside hosi Amo Pároco Paroquia Nossa Senhora de Fatima Suai Pe. Sebastião no partisipa hosi Familia Formandos, konvidados, Leigos Canossianos, Ekipa Misereor, Madres no Estaff CVTC Suai. Iha Missa agradesementu Amo Pároco hateten katak agradese ba buat ne’ebe ita hetan durante tinan ida, iha buat diak, buat aat, triste no kontente ne’ebe imi infrenta no hasoru iha ida-idak nia moris. Amo Paroco tenik Agradesementu tamba ita hatene Aan, fo Aan tomak ba Maromak, agradese ba Maromak ba buat ne’ebe ita aprende ona iha uma formasaun. Iha Evangelho Nai Jesus hateten “Mai Ho Hau Tamba Hau Laran Maus No Haraik Aan” laran maus ba buat ne’ebe ita hetan hodi fahe ba ema seluk, laran maus ba caridade, laran maus ba matenek ne’ebe ita hetan hodi implementa iha servisu fatin no haraik Aan ba moris, hatudu hahalok diak, haraik aan hodi atinji objetivu ne’ebe ita hakarak hetan. (Quarta Feira 13/12/2023)